Pecandela, Pañeros, YLAC 4-1 na sa 6th IBP caging

CEBU, Philippines - Ang Pecandela Law Firm nga gipaluyohan sa Mang Tinapay mipakaging sa kanhi way pildeng Jodin, 53-41 sa nagpadayong 2011 Integrated Bar of the Philippines (IBP) 6th Lawyer’s League basketball tournament didto sa Capitol Parish gym sa dalan Escario, ning dakbayan.

Midaog sab ang Pañeros Dynasty batok sa Bros 'N Law, 51-45, samtang mikulit og dakung daog ang Young Lawyers Association (YLAC) batok sa defending champion Super Idols, 67-61.

Ang Pecandela, Pañeros ug YLAC parehong nagbaton og 4-1 nga baraha.

Ang Pecandela gipangulohan ni Tommy Yu, kinsa maoy bugtong player sa ilang team nga mi-iskor og double figures sa iyang 14 puntos, samtang ang Jodin gipangulohan ni Mario Gidayawan, kinsa miposa og 12 puntos.

Sa laing bahin, ang Pañeros misandig nilang Barry Busin ug Ruel Juban nga nagkumboya og 27 puntos. Sila usab ang mi-iskor sa kataposang sayes puntos nga nagselyado sa kadaugan sa ilang koponan.

Tulo ka players sa YLAC ang mibahog og double figures pinangulohan ni Khan Guieb, kinsa mihipos og 14 puntos, sila si Rey Gealon ug Cris midugang og 11 puntos matag usa.

Ang Los Demonyos gipangulohan ni Richard Bauzon nga miposa og 21 puntos, gisundan ni Lito Ortiz nga adunay 15 puntos.

Puntos Matag Usa

Unang duwa:

Pecandela (53) - Yu 14, M. Gamallo 8, Capoy 7, I. Gamallo 6, Malazarte 5, Avila 4, Tomaodos 3, Dela Cerna 2, F. Pepito 2, Tenefrancia 2

Jodin (41) - Gidayawan 12, Macion 8, Micabaya 6, Pintor 5, Presas 4, Narido 4, Andal 2

Ikaduhang duwa:

Pañeros (51) - Busi 16, Juban 11, Cabilte 6, Ruaya 6, Molde 6, Cagulada 4, Manching 2

Bros N Law (45) - Seville 14, Sususco 8, Tabotabo 6, N. Rama 5, Pascua 4, Quiban 4, E. Rama 2, Bacalla 2

Ikatulong duwa:

YLAC (67) - Guieb 14, Gealon 11, Ang 11, Arnaiz 8, Ligutan 6, Velez 6, Sucalit 4, Verallo 4, Asis 2, Sapayan 1

Super Idols (61) - Felicitas 13, Quijano 12, B. Pepito 10, Argawanon 7, Ibones 5, Yosores 4, Daluz 4, F. Pepito 4, Mañus 2

Ikaupat nga duwa:

Los Demonyos (63) - R. Bauzon 21, Ortiz 15, Riveral 7, E. Bauzon 6, Sumampong 6, Flores 4, Del Prado 4

Eagles (49) - Lagahit 12, Pareja 6, Abcede 6, Arrabis 6, Alviola 6, Puspos 6, Hiyas 5, Suson 2. – BANAT NEWS