CEBU, Philippines - Naghari si NM Merben Roque sa gipahigayong Deep Blue Open Chess Tournament sa miaging adlaw didto sa Deep Blue 'D Woodpushers Chess Club sa SM City-Cebu.
Gipilde ni Roque ang top-seeded nga si Voltaire Sevillano sa ilang final round aron maangkon ang titulo uban ang P6,000 nga ganting salapi.
Atol sa semifinals, si Roque mipilde ni Joel Fernan, samtang si Sevillano mibuntog ni Richard Natividad. Sila si Fernan ug Natividad mi-okupar sa ikatulo ug ikaupat nga dapit.
Nakasud sa quarterfinals mao sila si Rogelio Enriquez, Anthony Makinano, Eden Diano ug Bonn Tibon.
Ang kalihukan gipaluyohan nilang Jose Tan, Kitting Moro, Atty. Ben Harayo, Roger Sonza, Edgar Hortellano, Jun Llenes ug Oscar Pascual. (BANAT NEWS)