CEBU, Philippines - Nakabihag dayon ang (ACT) Cyber Knights dihang mi-iskor kini'g 78-67 nga kadaugan batok sa Hotel Fortuna season-opener sa 1st M.Lhuillier Kwarta Padala-Cebu Basketball Association (MLKP-CBA) niadtong Domingo diha sa Cebu Coliseum.
Ang Cyber Knights, kinsa gi-isip nga lehitimong title contender, nakigtabla uban sa opening game winner Ave Maria Sanctuary Park, dihang ilang gibaraw ang rally sa Mandaue City-Cebu Landmasters aron moposte og 88-81 nga kadaugan.
Ang Cyber Knights ug ang Ave Maria magtakos sa solong liderato karong Domingo, samtang ang Landmasters mosuway pagkulit sa una nilang daog dihang ilang ikasangka ang Salazar Institute of Technology (SIT) Skyblazers.
Si Michael Luga mi-iskor og sunod-sunod nga baskets sa tunga-tungang bahin sa third period aron makighawa'g gamay ang Cyber Knights dihang mihulga ang Hotel Fortuna, 42-45.
Si Luga nakigkumboya uban ni Janjan Villaver nga maoy nangu sa Cyber Knights nga adunay 15 puntos matag usa, samtang ang walay paghupas nga si Alano Caputolan, ang labing beterano sa ACT midugang og 13 puntos, gisundan ni Adelbert Nuñez sa iyang 11 puntos.
Ang mga higanteng sila si Clefford Maguate ug Gilbert Callarde maoy nangu sa Hotel Fortuna ni Lorenzo 'Chao' Sy nga adunay 13 puntos matag usa, samtang sila si Cris Litorja ug Aard Evan Diango nagkumboya og 23 puntos.
Sa sayo pa, si Mannie Gabas ug laing duha ka teammates mi-iskor og double figures alang sa kadaugan sa Ave Maria.
PUNTOS MATAG USA
Unang duwa:
Ave Maria (88) - Gabas 12, Llanto 10, Tangkay 10, Delfiuno 6, Alicaway 6, Aying 6, Amores 5, Abellana 4, Duran 2, Cavan 2, Rizane 2, Cainglet 2
Mandaue-Cebu Landmasters (81) - Juliane 17, Abatayo 14, Tundag 11, Samonte 11, Espina 10, Rogado 7, Omolon 6, Pagasian 3
Ikaduhang duwa:
ACT (78) - Luga 15, Villaver 15, Caputolan 13, Nuñez 11, Galinato 8, Akad 7, Bucao 5, Valencia 3, Sampelo 2
Hotel Fortuna (67) - Maguate 13, Gallarde 13, Litorja 12, Diango 11, Pria 5, Manigque 1 (BANAT NEWS)