Pañeros milabaw sa Jodin sa IBP hoop

CEBU, Philippines - Gisumpo sa Pañeros Dynasty ang three-game winning streak sa Jodin human kini mo-iskor og 64-59 nga kadaogan sa usa ka come-from-behind fashion aron kaigtabla sa standings sa 3-1 nga baraha kaniadtong Sabado sa nagpadayong 6th IBP All Lawyers League basketball tournament didto sa Capitol Parish Gym sa dan Escario, ning dakbayan.

Sa laing bahin, midaog ang defending champion Super Idols batok sa Eagles, 56-48.

Midaog sab ang Pecandela Law Firm-Mang Tinapay batok sa Bros N Law, 53-47 ug gilubong sa YLAC ang Los Demonyos, 90 -76.

Ang Jodin maoy naglabaw hangtod na ngadto sa third period apan nakatabla ang Pañeros sa 59-all sa kataposang 1:19 sa fourth period ug si Dennis Aliño maoy mihatag sa labing unang labaw sa Pañeros, 60-59 pinaagi sa iyang usa ka free throw, may 26 segundos ang nahibilin sa duwa.

Sila si Ruel Juban ug Ting Ordeniza maoy mihatag sa Pañeros sa insurance baskets.

Nahimutang sa double celebration ang kadaogan sa Super Idols tungod kay sila si Bong Pepito ug playing coach Erwin Heyrosa maoy napiling presidente ug bise-presidente sa IBP-Cebu Province Chapter.

 Ang Super Idols, Pecandela ug YLAC pulos sab karon naghupot og 3-1 nga baraha ug nagdasok ang lima ka teams nga nag-ilogay karon kung kinsa maoy makakuha sa unang pwesto.

Puntos matag usa:

First Game:

Pañeros (64) — Ordeniza 27, Juban 14, Ruaya 10, Aliño 6, Calipayan 5, Balorio 4, Manching 2, Cabilte 2, Molde 2, Cagulada 2

Jodin (59) — Elmido 10, Presas 10, Macion 9, Pintor 7, Geotina 7, Sarno 5, Gidayawan 4, Narido 3, Andal 2, Ungab 2

Second Game:

Super Idols (56) — F. Pepito 22, Yosores 13, Quijano 6, Felicitas 6, B. Pepito 2, Salubre 2, Heyrosa 2, Malig-on 2, Daluz 1

Eagles (48) — Lagahit 12, Pareja 9, Abcede 6, Hiyas 5, Arrabis 4, Negapatan 4, Alviola 3, Solis 2, Galeon 2, Calamba 1

Third Game:

Pecandela (53) — I. Gamallo 15, Pepito 7, Dela Cerna 6, Capoy 6, Tenefrancia 5, M. Gamallo 4, Leyco 3, Enad 3, Avila 2, Yu 2

Bros N Law (47) — E. Rama 10, Sususco 10, Tabotabo 7, Villegas 4, Rama 4, Astillerp 4, N. Rama 4, Quiban 2

Fourth Game:

YLAC (90) — B. Santiago 20, Ligutan 18, Guieb 16, Gealon 13, Velez 10, Asis 6, Vilarin 4, Verallo 2, Ang 1

Los Demonyos (76) — R. Bauzon 23, Bragat 13, Riveral 13, Ortiz 11, Flores 8, Tambago 4, Del Prado 2, Sumampong 2. - BANAT NEWS