DZMM Takbo Para Sa Karunungan sa Mar. 13
MANILA, Philippines – Inaanyayahan ng DZMM Radyo Patrol 630 at DZMM TeleRadyo ang mga mananakbo, estudyante, at ang publiko na makilahok sa ‘‘DZMM Takbo Para Sa Karunungan’’ ngayong Marso 13, 5am sa Quirino Grandstand.
Maaaring sumali sa 3km, 5km, 10km race categories at sa espesyal na 25km race para sa ika-25 taong anibersaryo ng DZMM ang mga kalahok upang manalo ng cash prize at tropeo.
Sa nakalipas na 11 taon, sinusuportahan ng taunang fun run ng DZMM ang ilang kampanya para sa kalikasan. Ngunit sa ika-12 taon nito, ang mga benepisyo ng fun run ay 25 batang papasok ng Grade 1 mula sa iba’t ibang parte ng Metro Manila, kabilang ang mga lugar na sinalanta ng Bagyong Ondoy.
Para mag-rehistro, bisitahin lang ang www.dzmm.com.ph o tumawag sa Takbo secretariat sa 4152272 local 5674, 5641, 5632, 5603 at 5638.
- Latest
- Trending
