PSN Palaro

Donaire kumportable sa bantamweight, gustong maging undisputed at multi divisional champion

February 22, 2011 | 12:00am

MANILA, Philippines - Sa kanyang ikalawang sunod na laban bilang isang bantamweight, sinabi ni Nonito “The Filipino Flash” Donaire, Jr. na kumportable na siya sa nasabing 118-pound division at gusto niyang maging isang undisputed.

“I just feel more comfortable in this division. I think that my name is up there enough where they have to recognize me and to fight me. I want to see how far I can reach with the talent that God has given me. I want to know and be proud of being a multi divisional champion and undisputed,” ani Donaire, inagaw kay Mexican Fernando Montiel ang mga suot nitong World Boxing Council (WBC) at World Boxing Organization (WBO) titles via second-round TKO noong Linggo sa Mandalay Bay Resort sa Las Vegas, Nevada.

May 26-1-0 win-loss-draw ring record ngayon ang tubong Talibon, Bohol kasama ang kanyang 18 KOs kumpara sa 44-3-2 (34 KOs) card ni Montiel.

Bago pabagsakin ang 31-anyos na si Montiel, pinabagsak muna ng 28-anyos na si Donaire si dating World Boxing Association (WBA) bantamweight titlist Volodymyr Sydorenko (22-2-2, seven KOs) sa fourth round para sa bakanteng WBC Continental Americas bantamweight belt noong Disyembre 4 sa Honda Center, Anaheim, California.

“I want to be undisputed in the 118-pound weight class,” ani Donaire. “If that doesn’t happen, I want to go up to 122 or maybe 126, and to just keep going and that’s all that I want to do,” sabi ni Donaire.

Kabilang sa maaaring puntiryahin ni Donaire ay ang unification fight kina Mexican-born IBO at WBC silver belt king Abner Mares (21-0-1, 13 KOs) at African two-time IBF champion Joseph Agbeko (28-2, 22 KOs).

Nakatakdang magsagupa ang 25-anyos na si Mares at ang 30-anyos na si Agbeko sa Abril 23 sa Nokia Theater sa Los Angeles, California.

Maaari ring targetin ni Donaire si WBA bantamweight titlist Anselmo Moreno (30-1-1, 10 KOs) ng Panama na magdedepensa ng kanyang korona laban kay Lorenzo Parra (31-2-1, 18 KOs) ng Venezuela sa Pebrero 26.