Jodin misakmit sa solong liderato sa IBP hoop

CEBU, Philippines - Nasakmit sa Jodin quintet ang solong liderato human sila maka-ipsot batok sa mas tag-as nga Los Demonyos, 68-65 sa krusyal kaayong sangka sa nagpadayong 6th Integrated Bar of the Philippines (IBP) 2011 All Lawyers League basketball tournament didto sa Capitol Parish Gym sa dan Escario, ning dakbayan.

Nabiyaan unta og usa ka palito ang Jodin, 64-65 sa kataposang 10.7 segundos human sa fast-breaking lay-up ni Richard Bauzon apan dali kining gitubag ni Marchel Sarno kinsa nakapasulod og undergoal stab sa nahibiling 5.5 segundos aron molabaw, 66-65 ug sa return play, nakakubit og foul ang Los Demonyos ngadto kang Benjo Macion kinsa kalmado kaayong mipasulod sa iyang duha ka insurance free throws alang sa kulba-hinam kaayong kadaogan.

Si Macion maoy nangu sa Jodin sa iyang 28 puntos ug midugang si Jun Pintor og 10 puntos.

Ang Bauzon twins— Edward ug Richard, mibahug og 16 ug 15 puntos, matag usa aron pangulohan ang Los Demonyos.

Sa sayo pa, midaog ang Pecandela Law Firm batok sa YLAC, 63-51 aron makigtabla sa ilang biktima ngadto sa 2-1 nga baraha.

Si Tommy Yu maoy nangu sa Pecandela sa iyang 19 puntos.

Sa laing duwa, midaog ang Super Idols Empire batok sa Bros N Law, 77-58 alang sa ilang ikaduhang daog sa tulo ka duwa. Ang Super Idols gipangulohan nilang Fermin Pepito ug Jun Felicitas kinsa miposa og 20 ug 15 puntos, matag usa.

Ang Bros N Law gipangulohan ni Al Limalima kinsa mihakot og 20 puntos.

Sa kataposang duwa niadtong Sabado, gilubong sa Pañeros Dynasty ang laing winless team nga Eagles, 52-37.

Silang Ting Ordeniza ug Ruel Juban maoy nangu sa Pañeros sa ilang 14 ug 12 puntos, matag usa.

Puntos matag usa:

First Game:

Pecandela (63)— Yu 19, Capoy 13, Malazarte 11, MR. Gamallo 7, I. Gamallo 5, Tomaodas 4, Leyco 2, Pepito 2,

YLAC (51)— Velez 13, Ligutan 9, Santiago 9, Guieb 9, Gealon 5, Ang 3, Pañares 3

Second Game:

Jodin (68)— Macion 28, Pintor 10, Sarno 6, Narido 6, Maamo 5, Macabaya 4, Ungab 4, Geotina 3, andal 2

Los Demonyos (65)— E. Bauzon 16, R. Bauzon 15, Riveral 12, Sumampong 9, Cavada 5, Tambago 4, Del Prado 2, Bragat 2

Third Game:

Super Idols (77)— Pepito 20, Felicitas 15, R. Quijano 12, Ibones 6, Mañus 5, B. Pepito 4, Salubre 4, W. Santiago 4, Malig-on 3, Heyrosa 2, Urot 2

Bros N Law (58)—Limalima 20, Sususco 10, Tabotabo 8, Seville 5, Bacalla 5, Pascua 4, E. Rama 4, Villegas 2

Fourth Game:

Pañeros (52)— Ordeniza 14, Juban 12, Ruaya 8, Busi 8, Manching 4, Caliapyan 2, Cabilte 2, R. Pepito 2

Eagles (37)— Lagahit 11, Abcede 6, Vallecer 6, Solis 4, Hiyas 3, Godornes 3, Olingay 2, Avila 2.