1st Bombi Aznar chessfest sa E-Mall

CEBU, Philippines - Mokabat ngadto sa P50,000 nga ganting salapi ang giandam alang sa top finishers sa 1st Bombi Aznar Memorial Open Chess Tournament karong weekend diha sa E-Mall Activity Center.

Ang kampiyon mobulsa og P20,000, samtang ang second placer makadawat og P10,000.

Mopahiluna sa ikatulo ug ikaupat makaangkon og P5,000 ug P3,000 matag usa.

Ang masulod sa top 15 gantihan og P1,000 matag usa, samtang ang top female ug kiddie players makadawat og P500 matag usa.

Aduna kini registration fee nga P300 alang sa open participants, P200 sa students ug P100 alang sa ladies ug kiddies. Ang entry forms nga ipadala pinaagi sa e-mail, mahimong makuha sa Deep Blue Woodpusher's Coffee sa SM City-Cebu ug sa Colonnade Chess Club.

Kutob lang karong Sabado sa alas-9:30 sa buntag ang pagpanawat sa mga entries.

Ang torneyo mosubay og straight 9-round Swiss System format.

Ang duha ka adlaw nga torneyo ipahigayon pahinungod sa namatay nga National Master ug Cebu Sports Hall of Famer nga si Engr. Matias 'Bombi' B. Aznar III.

 Alang sa dugang mga detalye, mahimong mokontak ni international arbiter Marvin Ruela sa 0926-7352951 ug Roger Abella sa 0910-2686890 o e-mail sa [email protected]  (BANATSPORTS)