Moana mipaundang ni Millanes

CEBU, Philippines - Wala hatagi og kahigayonan ni Mardy Moa±a nga makaporma ang iyang kontra nga si Demeciano Millanes dihang iya kining gipaundang sa second round sa ilang sangka sa Summit Natural Drinking Water Amateur boxing series sa miaging gabii didto sa Talamban Sports Complex.

Si Moa±a mipatama og makalipong nga suntok ngadto sa ulo ni Millanes hinungdan nga wala na kini mangahas pa sa pag-away og balik sa katapusang 51 segundos sa second round.

Si Moa±a igo lang mipuli ni Danlou Codilla nga mao unta ang orihinal nga kontra ni Millanes. Si Codilla wala makaaway kay na-KO sa hilanat.

Sama ni Moa±a, midaog usab ang laing last minute replacement fighter nga si Jicky Malupay batok ni Richie Montealto, kinsa wala sab makapadayon tungod sa nahiaguman niining injury sa third round.

Si Reoxyl Tabogon nanginahanglan lang usab og 1:28 sa second round aron pildihon si Jerome Baja, samtang gilupig sa pinuntosay ni Richie Kilatan sa Consolacion nga midaog sa puntos batok ni Edu Rosal sa Phil-Aust Boxing Club (PABC).

Managlahi usab ang kapalaran sa mga pambato sa Flores Boxing Club nga sila si Ariel Sibay ug Melmark Dignos.

Si Sibay midaog batok ni Richard Rama sa PABC, apan si Dignos miyukbo ngadto ni Bryan Remedio sa University of Visayas (UV).

Ang teammate ni Remedio nga si Christian Apawan mimakmak ni Jan Ivor Lastrilla sa Tacloban, samtang si Kevin Jake Catajara mipilde ni Lester Dula sa Sta. Cruz stable.

Nagmadaugon sab sila si Ramil Casa±ares ug Kit Garces sa Banilad Elementary School, Mark Bernaldez sa Butuan City ug Rodel Wenceslao sa PABC.