CEBU, Philippines - Mikabkab og tag-duha ka bulawan sila si Kent Juban sa Labogon ug Mary Angelique Arcamo sa Okinawa Shorinryu Karatedo Association (OSKA) sa ilang tagsa-tagsa ka dibisyon sa 2nd M. Lhuillier Karatedo Championship niadtong Pebrero 5-6 didto sa Ayala Active Zone.
Ang duha ka bulawan ni Juban naggikan sa -65 kg. ug open weight divisions, samtang si Arcamo sa Okinawa Shorinryu Karatedo Association (OSKA), miugkat og bulawan sa -53kgs. ug ingon man sa open weight sa womenÆs division.
Gipilde ni Juban ang mga pambato sa Philippine Military Airforce Club (PMAC) nga silang Donald Tanudtanud ug Mark Allen Jitomo sa open weight category. Si Juban mipatigbabaw sab sa -65kgs. human iyang gipilde ang iyang teammate nga si Josie Francisco ug si John Ray Conde sa Renzoku nga miangkon sa silver ug bronze medals.
Lain pang gold medalists sa menÆs open weight mao sila si Mark Wendell Gimena sa Cebu Martial Arts Club (CMAC) sa -55kgs. ug Glendale Mark Guinamos sa Labogon sa -60kgs., silang Jay Gene Alindajao sa OSKA ug Allan Estrera sa Spiritual and Sports Martial Arts Association (SSMAA) midaog og silver ug bronze sa -55kgs., samtang ang mga entrante sa PMAC nga sila si Reynaldo Arguelles ug John Carlo Garcia mao ang miangkon sa silver ug bronze sa -60kgs.
Sa womenÆs class, si Ann Marie de la Riarte sa Sports Karatedo Organization (SKO)-Mandaue mipukan ni Martina Samantha Caparoso sa OSKA aron sakmiton ang bulawan sa -48kgs, samtang si Claire Gamboa sa Renzoku mao sab ang nidaog og gold sa -60kgs.
Ang torneyo gipaluyohan sab sa Central Visayas Union of Karatedo Organization, Inc. (CVUKOI) ubos sa liderato ni Steve Blanco. Ang tournament manager mao si CVUKOI secretary-general Rolando Basirgo.