Happy Valentines to all

CEBU, Philippines - Karon, Pebrero 14 maoy gitawag nga "Heart's Day" o Valentine's Day.

Tungod kay talagsaon ra man matumong og Valentine's Day kining SPORTSgab, ako kining ipahinungod sa tanan --- managhigugmaay man o mao pa'y pagpadayag sa gugma.    Kung imong tugkaron kining pulong nga gugma, makalibog gyud tungod kay daghan ang mga panghitabo --- maayo man o daotan nga namugna luyo sa gugmang hilabihan ug adunay panahon nga dili sila makapugong sa ilang emosyon ug dili na sila mahibalo kung husto o sayop ba ang ilang gibuhat.

 Mata'g Valentine's Day, makita nato ang simbolo sa napikas nga kasing-asing nga naigo sa pana ni Cupido, ang giila sa mythology nga Goddess of Love.   Ako kining ipaambit kaninyo unsay sinugdanan sa St. Valentines Day. Bisan pa man tuod ug gisaulog ang Pebrero 14 isip lovers' holiday karon sa bag-ong henerasyon pinaagi sa paghatag og candy, mga matahum ug humot nga buwak, dili sab mawagtang ang paghinatagay og Valentine's Day card.   Kini nagsugod isip pagtamud o pagtahod ngadto ni St. Valentine nga usa ka arsobispong Katoliko.   Giingon nga niadtong 4th century B.C., ang mga Romano nagpahigayon og tinuig nga ritwal sa usa ka batan-ong lalaki nga gustong moadto sa God Lupercus. Nagsugod kini sa usa ka Roman festival nga Lupercalia nga gisaulog matag Pebrero 15. 

 Ang Lupercalia gisaulog atol sa pag-abot Spring sa Roman calendar ug ang Lupercalia nahimong usa ka selebrasyon nga gitumong aron pag-seguro ug kaabunda sa mga kahayopan, kaumahan ug katawhan. 

Tulo ka mga ngalan sa batan-ong babaye ang gibutang sa kahon ug hulboton kini og usa ka lalaki maoy mahimong kapares isip iyang sexual patner sulod sa usa ka tuig ug dayon, lain na sab nga lottery o bunotay ang pagahimoon. 

Human sa 800 ka katuigan sa maong mapait o linoog nga tradisyon, gibabagan na kini sa simbahan ug kini nahunong sa wala madugay ubos sa mando ni Pope Gelasius kinsa maoy mimando ug kausaban sa lagda sa lottery ug inay mga ngalan sa batan-ong babaye maoy ibutang, ang kahon gisudlan og mga ngalan sa mga santos ug parehong gitugotan ang mga babaye ug lalaki nga maoy mobunot gikan sa kahon. 

Ang mga Romano sa karaang panahon wala malipay sa maong paagi.     Ang napiling ngalan mao si Valentine kinsa niadtong 270 AD, giputlan sa liog ni Emperor Claudius.

 Sumala pa sa simbahan, si St. Valentine usa ka pari didto duol sa Roma. Niadtong panahona, ang Roman Emperor nga si Claudius II mimando sa pagdili sa kaminyoon tungod kay si Claudius nagtuo nga ang mga minyong lalaki mahimong kabus nga sundalo tungod sa sobra nilang pagmahal sa ilang pamilya busa hugot niyang gi-ban ang kaminyoon sa iyang gingharian. 

Si Arsobispo Valentine nakamatikod sa kahadlok sa mga batan-ong managhigugmaay gipatawag niya sa usa ka sekretong lugar ug iyang gipangkasal ug dihang nahibaw-an kini ni Claudius nga higala diay siya sa managhigugmaay o "friend of lovers," gibilanggo si Valentine ug gisilotan sa kamatayon. Samtang didto sa sulod sa prisohan si Valentine nga nagpa-abot sa iyang dangatan, nakighigala siya kang Asterius kinsang anak babaye usa ka buta. Wala madugay nagkahigugmaay si Valentine ug ang anak ni Asterius kinsa kanaunay mohatag kaniya og mga pagkaon ug pagsuwat ug mga maanindot nga mensahe.  

 Mihangyo si Asterius nga ayohon ang iyang anak ug tuod man, gi-ayo kini ni Valentine hangtod nga mibalhin si Asterius ug iyang anak ngadto sa usa ka Christians. 

 Sa wala pa siya hukming patyon, nangayo si Valentine og ballpen ug papel gikan kang Asterius ug misuwat og panamilit o farewell message ngadto sa iyang anak nga nagkanayon "From Your Valentine" nga adunay pirma. 

Namatay si Valetine pinaagi sa pagbato kaniya ug giputlan siya'g ulo niadtong Pebrero , 270 AD. Nahimo siyang santos ug bisan og gidili na sa simbahan ang gitawag og lottery sa mga babaye, gihandum ang Pebrero 14 nga adlaw ni St. Valentine diin naglambigit kini sa mga Romano nga nagdayeg ug nagtanyag og gugma ngadto sa mga babaye nga ilang nagustohan.  

Miscelleanous: Belated birthday greetings to Sid Benedict Reroma, son of Britt Carlo Reroma, San Beda Red Cubs coach in the NCAA who turned six years old yesterday. Special thanks to my sister Gigi and husband Boy Quindao for the special Valentines gifts. - BANAT NEWS