CEBU, Philippines - Matambalan na unya ang kauhaw sa kompetisyon sa mga Sugbuanong triathletes sa ipahigayong Dayo Brothers Triathlon karong Pebrero 19 didto sa Bachao Beach Resort sa lungsod sa Catmon, Cebu.
Ang lumba gibahin sa tulo ka kategoriya nga mao ang male ug female open ug relay/tandem category.
Ang kompetisyon adunay 750m swim, 20k bike ug 5k run.
Mga medalya ang nagpaabot sa top five finishers sa male ug female open ug top three finishers sa relay/tandem class.
Ang registration fee nagkantidad og P250 sa open division, samtang P200 alang sa relay/tandem. Ang registration himuon sa adlaw sa lumba didto sa race site.
Human sa lumba, adunay raffle ug lakip sa mga premyo mao ang Newton shoes, Zoot ultra shoes, TYR trisuit, GU energy gels, Roadrunner sports hydration belt ug mga bags. - BANAT NEWS