Presidential Achievement Award sa Azkals

MANILA, Philippines -  Bagamat hindi nakapa­sok sa finals ng nakaraang 2010 ASEAN Football Fede­ration (AFF) Suzuki Cup, hindi naman mababalewala ang pinaghirapan ng Philippine football team na Azkals.

 Gagawaran ang Azkals ng Presidential Achievement Award sa Marso 5 sa Manila Hotel para sa Phi­lippine Sportswriters Association (PSA)-Coca Cola Annual Awards Night.

Makakasama ng Azkals si team manager Dan Stephen Palami, ang presidente ng Leyte Football As­sociation at bumuo sa foot­ball team, sa pagtanggap ng naturang karanga­lan mula sa pinakamatan­dang media organization sa bansa para sa special night na suportado ng Phi­lippine Sports Commission (PSC), Philippine Amusements and Gaming Corporation (PAGCOR), Harbour Centre, Nihao Mineral Resources International Inc. at Accel.

Nakapasok ang Azkals sa tournament proper ng Suzuki Cup matapos kunin ang second place sa ilalim ng host Laos sa qualifying meet.