Montiel tumbahon sa round 6
CEBU, Philippines - Bug-at nga bahad ang gibuhian ni former IBF flyweight champion Nonito Donaire Jr. ngadto sa iyang karibal nga si Mexican bantamweight world champion Fernando Montiel.
Atol sa iyang open workout didto sa Undefeated Gym sa California , gisaaran ni Donaire Jr. ang gatusan niya ka mga fans ug media tumbahon gyud niya si Montiel aron mailog ang WBC bantamweight title niini.
Si Donaire ug Montiel magpinaksitay karong Pebrero 19 didto sa Mandalay Bay Resort Hotel and Casino sa Las Vegas .
“I feel that this victory will allow me to be in that elite class of fighters,” matud pa ni Donaire Jr. “I’m going to try to stop him under 6 rounds.”
Si Donaire kinsa ikaduhang Pinoy nga nalakip sa top 10 world pound-for-pound, nagkanayon nga andam na siya nga mohimo sa labing daku niyang kalampusan isip boksidor ug kini mao ang pagpukan ni Montiel.
Matud pa usab ni Donaire nga ang kadaugan unya niya batok ni Montiel mao ang mupamatuod sa iyang abilidad isip usa sa mga elite fighter nga kaya mosaka sa modominar sa mas tag-as nga timbang.
Kung swertehon, si Donaire naglaraw nga musaka pa ngadto sa 126 lbs. division nga giharian ni undefeated Puerto Rican Juan Manuel Lopez. - Lemuel P. Maglinte gikan sa Philboxing (BANAT NEWS)
- Latest
- Trending
