ACCEL-2010 Sports Photo Contest

MANILA, Philippines –  Itataguyod ng top sports apparel Accel ang ACCEL-2010 Sports Photo Contest na may nakatayang P62,000 kabilang ang P25,000 para sa 1st place winner.

Ang nasabing photo contest ay bukas sa lahat ng professional photographer na nagko-cover ng sports, ang mga kalahok na larawan na tatanggapin ay kinuha at lumabas simula ng Enero 1, 2010 hanggang Disyembre 31, 2010. Ang mga lalahok ay maaring magsumite ng higit sa isa subalit maaari lamang manalo ng isa sa mas mataas na premyo.

Tatanggap naman ang second placer ng P15,000 habang ang third, fourth at fifth placers ay may pabuyang P10,000, P7,000 at P5,000, ayon sa pagkakasunod .

Ang pagtanggap ng mga kalahok ay nagsimula mula Pebrero 1, 2011 at magtatapos sa Pebrero 15, 2011.