CEBU, Philippines - Bisan og giatbangan kini og laing lumba sa dagan, daghan gihapon ang mga runners ang nagparehistro sa SM 2 SM Run diha sa SM City-Cebu grounds karong Pebrero 13.
Sa pagka karon, miabot na ngadto sa 1,000 runners ang kompirmadong managan.
Niadtong interesadong mosalmot gihatagan lang hangtod sa Pebrero 10 sa pagparehistro.
Adunay 500 ka fitness buffs ang nagparehistro ubos sa 21K category, 300 sa 6K, 200 sa 12K ug 100 sa 3K.
Isip pre-Valentine's Day treat, adunay special class alang sa running couples nga gigahinan og duha ka kategoriya -- ang 12K ug 6K race lengths. (BANAT NEWS)