MP Brokerage, Capt. Roque nag-una sa PCBA Fiesta League

CEBU, Philippines - Nanghawod ang Marty Pimentel (MP) Customs Brokerage ug Capt. Roque sa ilang tagsa-tagsa ka braket sa nagpadayong Pusok Cemento Basketball Association (PCBA) Fiesta League.

Segun pa ni Jussac Arong ang tsirman sa PCBA ug kanhi Southwestern University (SWU) cager, nga ang MP Customs Brokerage sa pagpangulo sa ilang presidente Francis Ibo, maoy nag-una sa bracket-B, samtang ang Capt. Roque mao usab ang nag-una sa bracket-A.

Ang MP Customs Brokerage ug Capt. Roque parehong adunay 3-0 win-loss records.

Nagsunod sa Capt. Roque sa bracket-A mao ang Fusion, Casyco, Rets Engineering, Lombres (Violet) ug Fit-Top Online.

Sa bracket-B, ang MP Customs Brokerage gisundan sa Bigboss, Lombres (Gold), Thunder, Patriots ug Heat.   (BANAT NEWS)