Yellow-D'Bombers kampiyon sa LABA

CEBU, Philippines - Gikuninitan sa Yellow-D'Bombers ang Joules Lechon Manok-sponsored White squad, 85-68 aron pagdaog sa kampiyonato sa Los Amigos Basketball Association (LABA) Inter-Color League didto sa Banilad Sports Center, Mandaue City.

Gipangulohan ni MVP Richard Jordan, ang Yellow team midominar sa duwa gikan sa pagsugod hangtod nga nahuman ug bisan gani ang ilang second stringers nangigo sab sa gawas uban ang kompiyansa tungod sa ilang dakung labaw

Si Dennis Rabanal maoy nangu sa Yellow sa iyang 14 puntos, samtang sila si Jordan ug Chris Ubas parehong miamot og 10 puntos.

Ang hugot nga depensa sa Yellow maoy nakapugong sa opensa sa White tungod kay wala makahuygo og maayo si Dodoy Rizane, kinsa gilimitahan lang og sayes puntos, ubos kaayo sa iyang average nga 20 puntos matag duwa.

Sa sayo pa, si Arnold Pestaño miburak og 36 puntos alang sa Black-Snipers nga mipukan sa Green-Zic, 86-75 aron pagsakmit sa third place trophy. (BANATSPORTS)