Abarquez vs. Abadia sa finals

CEBU, Philippines - Gipilde nila Israel 'RJ' Abarquez ug Kennex Abadia ang tagsa-tagsa nilang kaatbang aron makuha ang lingkoranan sa finals sa 1st DRB Men's Tennis Open kagahapon didto sa Alta Vista Golf and Country Club.

Ang topseeded nga si Abarquez mipalagpot ni Jude Tabotabo, 6-1, 6-3, samtang si Abadia yano sab kaayong midemolis ni Francis Largo aron moabante sa final round.

"I’m glad to make it to the semifinals. Hopefully, I could do good in the championship but it had yet to be played so I’m just keeping my fingers crossed," matud ni   Abarquez.

Ang kampiyon makadawat og P10,000, samtang ang runner-up mobulsa og P5,000.

Ang semifinalists ug quarterfinalist makadawat og P2,500 ug P1,500 matag usa. (BANATSPORTS)