CEBU, Philippines - Mihabwa sa iyang ikaduhang sunod-sunod nga daog si Israel 'RJ" Abarquez human niya gipilde si Junjun Tabura sa 1st DRB Men's Tennis Open kagahapon didto sa Alta Vista Golf and Country Club.
Si Abarquez yano kaayong miangkon og daog dihang iyang gilubong si Tabura sa iskor nga 10-3.
Sa laing bahin, ang lig-ong title contender nga si Jude Tabotabo nakalahutay sa iyang momentum ug milansang og 10-7 nga kadaugan batok ni Christian Tiongco aron magpabiling walay pilde sa usa ka semana nga torneyo.
Si Kennex Abadia mipukan sab ni Jayvee Canoy, 10-4, samtang si Francis Largo mibuntog ni Amiel Aya-ay, 10-6.
Ang kampiyon mobulsa og P10,000, samtang ang runner-up makaangkon og P5,000. - BANAT NEWS