Mawin's, Dewfoam, Fatima subha'g daog

CEBU, Philippines - Makabungog nga daog ang misugat sa defending champion Mawin's Kitchen batok sa Kamikaze, 87-73, samtang   gisubhan sab og daog ang Dewfoam ug ang Fatima batok sa tagsa-tagsa nilang kaatbang   sa pagbukas sa MKBC Cup 2011 basketball tournament kaniadtong Domingo didto sa Vicente Sotto Memorial Gym sa barangay Punta Princesa, ning dakbayan.

Ang Dewfoam midaog batok sa Scourge sa iskor nga 69-57, samtang ang Fatima milubong sa Saints, 85-54.

Nabiyaan ang Mawin’s Kitchens human sa first half, apan dali nilang nasakmit ang liderato ginamit ang mainitong 25-8 nga rally ug wala na sila mokompiyansa hangtod na sa paglansang og 14 puntos nga kadaugan.

Sila si Lemuel Paguntalan ug Matt Vallejo maoy nangu sa Mawin’s Kitchens sa parehong adunay 14 puntos. Ang managsuong Sherwin ug Stanley Lequit nakahimo sab og double figures.

Ang Kamikaze gipangulohan ni Banjo Bantaya pinaagi sa iyang 23 puntos.

Sa laing bahin, si Kent Adoro mibahog og 18 puntos, samtang si Danny Rabadon miabuno og   17 puntos alang sa Dewfoam.

Sila si Jack Echivarria ug Butch Alentiojo nagkumboya og 44 puntos aron pangulohan ang Fatima paglubong sa Saints nga gipangulohan sab ni Milan Amorado sa iyang 22 puntos.

Puntos Matag Usa

Unang duwa:

Mawin’s (87) - Vallejo 14, Paguntalan 14, S. Leuit 12, Lequit 11, Taborada 9, Monares 8, Pineda 6, Zamora 4, Millan 4, Adriatico 3, Cabahug 2

Kamikaze (73) - Bantaya 23, J. Pacaña 11, Ja. Pacañ 11, Tapaya 8, Lapus 6, Tecson 5, Uytico 4, Peleño 3, A. Pacaña 2

Ikaduhang duwa:

Dewfoam (69) - K. Adoro 18, Rabadon 17, Cololot 7, Cagampang 6, Cabañero 6, Quindao 6, Echavez 5, R. Adoro 4

Scourge (57) - Arco 21, Tobes 10,Mascardo 8, Tolentino 7, Gorreon 7, H. Castro 2, Porio 2

Ikatulong duwa:

Fatima (85) - Echivarria 23, Alentiojo 21, Gonzales 14, Demecillo 8, M. Canencia 4, Iyana 4, Dungog 4, K. Canencia 3, Z. Canencia 2, R. Canencia 2

Saints (54) - Amorado 22, Briones 9, Nero 7, Del Valle 6, Boltron 4, Viñalon 4, Loquias 2. - BANAT NEWS