29th SAC-SMB awardees

CEBU, Philippines - Sa makausa, ang mga atleta nga nakahatag og dungog sa Sugbu ang pasidunggan atol sa 29th Sportswriters Association of Cebu-San Miguel Brewery (SAC-SMB) Cebu Sports Awards karong Pebrero 19 diha sa Terraces sa Ayala Center-Cebu.

Mas sayo ang awarding karong tuiga itandi sa miaging edisyon ug ang SAC nagkahugpong nga himuon kini sa Terraces aron makakita sa maong kalihukan ang mga katawhan.

"This is our 29th year," matud pa ni SAC President John Pages. "Unlike in previous Cebu Sports Awards that were exclusive, we will make this event public. All Cebuanos are welcome to watch for free. It will be a terrific sight to see Cebu’s best athletes together."

Ang pasidunggan karong tuiga mao ang record holder, Asian games medalists ug world champion.

Si Lindley Fran Navaja, kinsa mibuak sa 38 ka tuig nga rekord sa 100-meter dash ang pasidunggan tungod sa iyang mga paningkamot uban nilang Warren Kiamco ug Charlea Lagaras, kinsa nidaog og silver ug bronze sa Asiad. Si Rubilen Amit, ang silver medalist sa World 10-Ball championships ang tunolan sab og award uban ni Kim Lao, ang sakop sa RP bowling team sa Asiad. Si Donnie Nietes, kinsa nakadepensa sa iyang titulo didto sa Mexico, makadawat sab og pasidungog.

Ang Cebu Eastern College (CEC) Dragons mitukob sa korona sa Cebu Schools Athletic Foundation Inc. (CESAFI) makadawat sab og major award uban sa collegiate champions University of Cebu (UC) Webmasters. Sila si Danika Gendruali ug Lorie Mae Layno hatagan sab og award tungod sa ilang pagdaog sa Unigames beach volleyball title.

Si Rogelio Barcenilla, ang labing bag-ong Grandmasters sa Pilipinas ang awardan uban sa batan-ong golf sensation Irina Gabasa.

Laing batan-on nga si Jette Calderon makadawat sab og award sa pagdaog sa Karter of the Year, samtang ang Cebu-based nga si Sabah Fadai pasidunggan tungod sa iyang gipakita didto sa Singapore.

Ang running queen nga si Mary Grace delos Santos, mipahiluna sa ikaduha sa Malaysia ug sa Camsur maka-award sab uban sa UC table tennis ug sa University of Southern Philippines (USPF) volleyball teams.

Ang duha nidaog og 10 ka sunod-sunod nga titulo.

Gawas sa major awardess, ang ubang makadawat og citations mao sila si Boojie Lim, Dr. Danny Villadolid, David G. Lim Sr., Banilad Elementary School badminton team, M. Lhuillier, Sacred Heart School-Ateneo de Cebu, Junemar Fajardo, Nikee Montalvo, Patric Nigel Go, Henry Renzar Asilum, University of the Visayas-Bmeg, Britt Carlo Reroma, Mike Lopez ug ang Cebu Volleyball Association.

Lain pang modawat og citations mao sila si Milan Melindo, Rocky Fuentes, Roli Gasca, Mercito Gesta, Mandaue City amateur boxing team, Michael Romarate, Alberta Pagara, Malcom Tuñacao, Kyle Sevillano, Richard Bitoon, Igi Maximo Maritess Bitbit, Luis Ansag, Cheska Toledo, Jose Rafael Lipardo, Pericles Dakay Jr., Renko Gaudiel, Clint Ligan, Oliver Colina, St. Theresa’s College football team, Gio Gandionco, Joaquin Fernandez ug Noel Espinosa.

Si Mendel Lopez, Cebu Executive Runners Club, Merlita Arias Dunkin ug Mary Joy Tabal makadawat sab og citations uban nilang Noel Flowers, Ayumi Ono, Beekay delos Santos, Abellana National School sepak takraw team, Kevin Cotes, Martin ug Lowell Belarmino, Loren Dale Echavez, Teodor Martus, Glen Lava, Rinna Babanto, Arthur Craig Pantino, Christopher Encarnacion, Noy Jopson, Elmo Clarabal, Sugbutri, Lorhiz Echavez ug ang Visayas secondary girls tennis sa Milo Little Olympics National finals.  (BANATSPORTS)