Guba-Quillope tandem mihari sa Yayoy's Grill Sinulog Open Doubles Dartfest

CEBU, Philippines - Ang tandem nilang Arnel Guba ug Yoko Quillope milahutay sa ilang mga hagit aron pagdaog sa 2011 Yayoy's Grill Sinulog Open Doubles Dartfest diha sa Yayoy's Grill and Resto Bar sa Orchids Street sa Brgy. Capitol Site, ning siyudad.

Gipilde nilang Guba ug Quillope ang saksak-sinagol nga veteran ug upcoming darters alang sa titulo.

Sa final match, gipilde nila ni Guba ug Quillope ang tandem nilang Alvin Villa ug Bambam Tabanday. Sila si Odong Pamatian ug Morex Galanza nahimutang sa ikatulo nga dapit, samtang sila si Nilo Janson ug Oning Bacalso napunta sa ikaupat.

Ang ikalima nga dapit nakuha nila ni Marlito Patunob ug Macross Amora.

Mikompleto sa top 8 mao sila si Eugene Managuit ug Kenneth Britania, Michael Bucio ug Jerome Perales ug Paul Nacua ug Toybatz Bandolon.   (BANAT NEWS)