Delarmino milampos pagdepensa sa iyang Visayas bantamweight title

CEBU, Philippines - Usa ka haguros nga knee-strike ang gipatugpa ni Leonard Delarmino ngadto sa gusok ni Cary Bullos aron mapanalipdan ang iyang Visayas bantamweight title sa Universal Reality Combat Championship (URCC)-Cebu VI: Respect sa miaging kagabii didto sa Cebu International Convention Center (CICC).

Sayong nakapabor si Bullos dihang kapila niya namumo sa iyang kumo ug patid si Delarmino, kinsa tataw kaayo nga lupig sa striking sa Sugbuanong fighter.

Apan bisan pa sa nanghubag nga nawong, nagpabiling lig-on si Delarmino ug misuway pagdikta sa away pinaagi sa iyang grappling ug ground fighting hangtod nga nahuman ang unang hugna.

Padayon ang linambahay og sinukliay'g atake ang duha, apan nakakita og higayon si Delarmino ug daling mibuhi og knee strike nga mipaluhod ni Bullos sa 5:30 sa second round. (BANATSPORTS)