St. Clare tututukan ang kampanya sa 8-ball doubles event

MANILA, Philippines - Tangan ng St. Clare Col­lege-Caloocan ang lide­rato sa B-League inter-collegiate billiards competition dahil sa mahusay na ipinakikita nina Ritchie Goco at Eliezer Castillo.

Mayroon 29 panalo sa 36 laban ang Saints sa ligang inorganisa ng Na­tional Collegiate Billiards League (NCBL) at nilahukan ng 19 na koponan na naglalaro tuwing Sabado’t-Linggo lamang sa Star Billiards Center sa Quezon City.

Si Goco nga ang luma­bas na mainit na manlalaro ng St. Clare dahil may siyam na panalo ito sa sam­­pung laban. Ang ta­nging kabiguan na nalasap ni Go­co ay kay Andrei Ruiz ng FEU, 4-7.

Si Castillo naman ay nanalo ng walo sa 10 laban at anim dito ay kinuha sa 10-ball.

Isa pang nagpapasikat ay si Vennis Mariano na may­roong limang panalo sa 10-ball.

Ngunit hindi pa konte­to si Saints coach Bernie Diswe dahil alam niyang mas mabigat ang labanan sa mga susunod na yugto ng kompetisyon.

Hindi rin naging ma­gan­­da ang pagtatapos ng St. Clare sa kanilang asig­natura bago pumasok sa dalawang linggong ba­kasyon ang liga dala ng paggunita ng Kapaskuhan dahil natalo ang koponan sa FEU, 1-2, noong Dis­yem­bre 19.

Lumabas na mahina ang Saints sa 8-ball dou­bles competition dahil lima sa pitong kabiguan ay nangyari sa event na ito.

“Gagamitin namin ang two-week break upang ita­ma ang mga mali sa laro namin. We have to do a better job in the coming weeks, especially in the 8-ball doubles,” wika ni Diswe.

Ang FEU ang lumalabas na mahigpit na kalaban ng St. Clare sa ngayon dahil may 28-8 panalo-talo karta ang koponan para malagay sa ikalawang puwesto.

Ang Philippine Maritime Institute (PMI) ang nasa ikatlong puwesto sa 27-9 habng magkadikit naman sa ikaapat at limang posisyon sa 26-10 karta ang University of the East at National University.

Ang iba pang makaka­tapat ng St. Clare sa pagtatapos ng first round sa double round elimination ay ang PMI, UE, Letran (20-16), UST (19-17) at Mapua (13-23).