CEBU, Philippines - Milampos ang Talk N’ Text Tropang Texters sa pag-angkon sa Game-1 sa ilang “best-of-seven” semifinals series batok sa Derby Ace Llamados, 98-91, sa PBA Philippine Cup kagabii didto sa Ynares Center.
Mag-wild ang Texters sa first half dihang gilubong nila og 13 puntos ang defending All-Filipino champion Derby Ace sa nahibiling tres minutos sa second period, apan wa damha nga miapas ang Llamados sa final period.
Sa pagpangulo ni James Yap kinsa mirehistro sa iyang conference-high 36 puntos, gipahakan sa Derby Ace ang labaw sa Texters og ginaug kini ngadto sa kwatro puntos, 81-85 sa katapusang 6:33 sa duwa.
Hinuon, wala mahudlat ang Texters sa gihimong rally sa Llamados ug pinaagi sa four-point play ni Alapag sa 2:07 sa duwa nga maoy miinat sa labaw, 94-87, naselyado nila ang labing una nilang daog sa serye.
Si Alapag maoy leading scorer sa iyang 20 puntos, samtang si Ranidel De Ocampo mitira usab og 18 puntos, lakip na ang upat ka three-pointers. - BANAT NEWS