Doce Pares election ug ang induction

CEBU, Philippines - Karong Huwebes, Disyembre 30, magtigum na sab ang mga sakop sa Doce Pares World Eskrima Federation alang sa ilang tinuig nga piniliay.

Atol sa maong election, walay lain nilang pilion kung dili ang ilang gitahud nga "lifetime" president nga si Supreme Grand Master Ciriaco "Cacoy" Cañete.

 Ang piniliay himoon sa alas 5 sa hapon didto mismo sa Doce Pares headquarters sa dalan C. Padilla ning dakbayan diin anaa sab mahimutang ang yanong panimalay ni SGM Cacoy.

Sa iyang pangedaron nga 91 anyos, 22 na ka tuitg nga gihuptan ni SGM Cacoy ang pagka-presidente sa Doce Pares sukad siya mohulip sa iyang maguwang nga si Eulogio "Yoling" Cañete, ang unang lifetime president kinsa namatay kaniadtong tuig 1988.

Ang pamilyang Cañete nga lumad gikan sa San Fernnado, Cebu maoy nagtukod sa Doce Pares niadtong tuig 1932 hangtod nga hinay-hinay kining na isip nga usa ka haligi o institusyon dili lang dinhe sa Pilipinas kung dili sa tibuok kalibotan.

Gani, mas daghan ang mga sakop sa Doce Pares nga gikan sa Australia, America ug Uropa kung itandi dinhe sa Sugbo. Matag tuig, mapugos og biyahe si SGM Cacoy padulong sa gawas sa nasud. Matag adunay dakong kalihokan nga pasiugdahan ang Doce Pares ug tambongan sa mga langyaw, mas madugangan ang income sa atong dakbayan kay lagi usa man ang tourism industry nga makatampo sa dugang kita bisan sa ginagmay nga negosyo tungod sa ilang gigastong dolyares.

Sa natad sa eskrima, ang mga langyaw moyukbo ni SGM Cacoy pinaagi sa pag-amen ug usahay pa gani sa pagluhod kung anaa sila sa gym. Kini nagpamatuod kung gi-unsa nila pagtahud ang ilang gi-ilang labing maayong eskrimador sa tibuok kalibotan.

Si Grand Master Vince Palumbo, usa ka Australian nga nanag-iya og martial arts school didto sa ilang dapit nagkanayon nga si SGM Cacoy adunay dugo susama kang Lapulapu. Sa iyang pangedaron karon, wala pa gihapon siya mobiya og ensayo kay matod pa niya ang eskrima naglatay sa iyang kaugatan ug magluya siya kung dili makalabyoglabyog sa iyang olisi.

Lisod hitupngan ang iyang pagka-maayong laki sa eskrima tungod kay aduna na siya'y 13 ka Hall of Fame awards sa maong natad sa sports. Tinuyo gyud nga usa siya ka Living Legend kung eskrima ang hisgotan.

Unya sa Enero 8 sa sunod tuig, ang mga opisyales sa Doce Pares nga mapili uban kang SGM Cacoy, mo-asumir na sa ilang katungdanan atol sa ilang induction didto gihapon sa ilang headquarters.

* * *

Niadtong issue sa miaging semana, naghisgot ako og Chinese calendar ug karon, ako kining ipa-ambit ang nagkalain-laing matang sa pagtimbaya o greetings sa pulong Merry Christmas and a Happy New Year gikan sa ubang nasud sa kalibotan.

Dinhe sa Sugbo, kita mo-ingon Malipayong Pasko ug Bulahang Bag-ong Tuig, didto sa Manila ang mga Tagalog mo-ingon Maligayang Pasko at Manigong Bagong Taon apan unsaon man kaha paglitok sa laing lugar?

Ania ang lain-laing mga pagtimbaya sa Pasko sa laing lugar-- sa Japan Meri Karisumasu soshite Akemashite Omedeto, sa China Sing Dan Fae Lok o di ba hinoon Shen tan jie kuai le. Hsin Nien Kuaile, sa Indonesia Selamat Hari Natal den Selamat Tahun Baru, sa   Vietnam Chuc mung nam moi va Giang Sing vui ve.

Sa Argentina, sila mo-ingon Feliz Navidad y Feliz Año Nuevo, sa Brazil Boas Festas e Feliz Ano Novo ug sa Spain Feliz Navidad y Prospero ano nuevo.

 Sa Germany Frohe Weihnachten und ein glückliches Neues Jahr!, sa France Joyeux Noel et Bonne Annee ug sa Italy Boun Natale Felice Anno Nuovo.

Miscellaneous. NCAA Coach of the Year of the San Beda College juniors division Britt Carlo Reroma will soon become a national team assistant coach with the feat he achieved last July. He is also slated to attend a coaching seminar in the United States to improve his skills and credentials. Early next year, he will be going to Singapore as the Red Cubs will play against some Asian colleges where he hopes to bring home the bacon. - BANAT NEWS