K of C run sa Disyembre 30

CEBU, Philippines - Ang Knights of Columbus sa Poblacion, Talisay ubos sa Archdiocesan Shrine of Sta. Teresa de Avila mipahibalo nga ilang gi-uswag ngadto sa Disyembre 29 ang registration sa tanang buot mosalmot sa lumba nga gitawag og RUN FOR STA TERESA DE AVILA 2 unya sa Huwebes, Disyembre 30 diha sa South Road Properties (SRP).

Ang K of C sa Poblacion, Talisay maoy tigpasiugda sa maong lumba ug ila kining gipangandaman og maayo lakip na ang water supply, runners security, emergency rescue manpower ug ilabi na ang mga premyo.

Aduna kini tulo ka categories nga mao ang 3K Open, 6K Open ug 12K alang sa mga executives ug gidapit sab sa pagsalmot ang mga estudyante, professionals, military men, call center agents ug bisan kinsa nga mahigugma-on sa dagan.

Ang nahisgotang Fun Run usa ka fund-raising event diin ang matigum nga pundo ilang ihatag ngadto sa simbahan alang sa ilang mga proyekto.

Gi-awhag kadtong mga residente sa amihanang dapit sa Sugbo sa pagpalista niining mga mosunod nga dapit--- RUNNER sa Ayala Mall Cebu, Tobys Sports sa SM City Northwing ug sa opisina sa Philippine Sports Commission sa dalan Jones Ave., ning dakbayan.

Mahimo sab silang mopalista didto sa New Colors Station sa dalan A.C. Cortes, sa Maguikay, Mandaue, City kilid sa PS Bank.

Alang niadtong mga molupyo dapit sa habagatang bahin sa Sugbo, mahimo silang magpalista didto sa Office of the Archdiocesan Shrine of Sta. Teresa de Avila didto sa Poblacion, Talisay City o mahimo sab moderetso sila ngadto sa opisina ni councilor Bernard Odilao didto sa Talisay City Hall.

Dawaton sab ang magpalista sa New Colors Station didto sa Macapagal St. Toledo City ug sa Mita's Bakeshop sa Tabunok, Talisay atbang sa buhatan sa VECO.

Ang interesdadong mosalmot sa maong lumba mahimo sab mo-kontak ni councilor Bernard Odilao sa iyang telephone sa numero (032) 2736439. – BANAT NEWS