CEBU, Philippines - Ania karon sa Sugbu si PBA superstar Dondon Hontiveros alang sa reunion sa mga karaang varsity players sa University of Cebu (UC) karong gabii diha sa Baseline Restaurant sa Mango Avenue, ning siyudad.
Gawas ni Hontiveros, motambong usab ang mga alumni ug karon sikat nga mga personalidad sa basketbol sama nila ni PBA legend Freddie Abuda, FEU coach Berting Flores, Naga Mayor Val Chiong ug 2010 CESAFI MVP Junmar Fajardo.Matawag usab kini nga Christmas Party sa mga bag-o ug karaang cagers sa UC. Sila si coach Jake Rojas ug coach Dodong Agas, team manager Atty. Baldomero 'Merong' Estenzo ug ang tag-iya sa UC nga si Atty. Augusto Go maoy mga special guests. Si Leo Villaver maoy chairman sa maong kalihukan, samtang ang mga sakop niini mao sila si Kimpoy Rojas, Glenn Birao, Pastor Ernie Romo ug Rocky Bacalso. – BANAT NEWS