CEBU, Philippines - Natapos na kaniadtong Huwebes sa gabii ang malamposong pagpahigayon sa 2nd Lucio “Guy” Lim, Sr. Memorial Cup basketball tournament nga gisugdan kaniadtong Oktubre 3 didto sa City sports Club Gym sa Ayala nga gisalmotan og unom ka teams.
Taud-taud na nga nahilum ang maong torneyo nga naputol kapin na sa usa ka dekada apan gibanhaw kini sa mga apo ni Guy Lim Sr. nga sila si Jonathan “Niño” Imboy ug iyang manghod nga si Jethro.
Ang pamilya nilang Lucio Sr. ug Lucio Jr, maoy nanag-iya sa Lite Shipping Corporation. Si Lucio Sr. apohan nilang Niño ug Jethro ug si Lucio Jr. maoy ilang uyoan ug igsoon sa ilang inahan nga si Mayor Rosemarie L. Imboy sa Loay, Bohol. Si Lucio Jr. maoy presidente sa Lite Group of Companies ug naglakip kini sa Lite Shipping, Cebu Lite Trading (cement dealer), Lou Square Development Corp. (Soledad Suites-Bohol) ug Sunline Machine Shop.
Sa pagtapos sa torneyo kaniadtong Disyembre 9, ang tournament-favorite nga Lite Shipping maoy midaog sa korona pinaagi sa pagkulit og two-game sweep batok sa Cebu Movers System ni playing coach Dr. Boy Te, ang tag-iya sa inilang Chinese resto ug tea house nga Lai Garden nga anaa mahimutang sa Crossroads sa Banilad ug sa SM City north wing.
Midaog ang Lite Shipping sa Game 1 kaniadtong Disyembre 5 sa iskor, 106-75 ug ila kining gitiwas kaniadtong Huwebes sa iskor, 81-77.
Tungod sa kalamposan sa maong torneyo, gihimo kagahapon ang 1st Guy Lim Cup All-Star Cup nga may tulo ka events nga mao ang naandang three-point shootout, 3 on 3 tali sa mga piniling players gikan sa fourth placer nga FAL Shipping batok sa mga players gikan sa Cebu Movers.
Gidapit nilang Niño ug Jethro ang tanang mga sakop sa unom ka participating teams sa pagtambong sa ilang awarding ceremony karong Sabado, Disyembre 18 didto sa CAP building diha sa Osmeña blvd.
Dili lang kini usa ka yanong awarding ceremony apan usa kini ka Christmas party alang sa mga empleyado sa Lite Shipping ug sa lain nilang matang sa negosyo.
Ang pamilyang Lim usa sa labing inilang magpapatigayon nga mipalambo sa shipping industry dinhi sa Sugbo tungod kay ang pagsakay og barko maoy usa sa labing sayon nga paagi aron maka-uli ang mga tawo sa ikang tagsa-tagsa ka probinsiya kay lagi ang Visayas o ang tibuok Pilipinas usa man ka archipelago. Gawas sa mga pasahero, dako’g tabang kining inter-island shipping sa paghakot ug mga kargamento sama sa bugas, copras ug semento nga gamitonon gyud kaayo.
Busa dili nato malalis nga daghan gyud ang natabangan niining negosyo sa shipping dinhi sa Sugbo ug usa ang pamilya Lim sa mga malamposon nga nagpalambo niini.
Sa sunod tuig, dili ako mahibulong kung mas modako pa ang Lucio “Guy” Lim Sr. Memorial Cup basketball tournament nga pasiugdahan nila ni Niño ug Jethro.
Miscellaneous. My family had two major celebrations yesterday—first was the birthday of my wife Gingging and second was the USC-South Campus PTCA Family Day. Today is the birthday of my mother-in-law Alejandra Cao while my cousin from Seattle, Washington Cindy Domingo Owens turns a year older tomorrow, December 14. Other upcoming birthday celebrants are my nephew on Daryl Hatamosa on December 17, my sister Philomel M. Pantuan on December 18 and my niece Nathalie Faye Pantuan on December 24. To all celebrants, I wish you the best of luck. – BANAT NEWS