ARENA 7 awarding himuon karong adlawa

CEBU, Philippines - Ipahigayon karong alas-9 sa buntag ang awarding ceremony sa Association of Regional Executives in National Agencies (ARENA-7) agi'g pasalamat sa 14 ka teams nga misalmot sa Category B didto sa Cebu Beach Club sa Lapu-Lapu City.

Mao kini ang gipahibalo ni Emilio Tavera sa Bureau of Internal Revenue (BIR), ang sports coordinator sa host agency ARENA-7 

Matud pa ni Tavera nga ila pa nga sabotan ang awarding alang sa Category A.

Ang mga assistant commissioners nga sila si Norwin Honoridez ug Messiah Credo maoy moabag ni Tavera sa pagtunol sa mga tropeyo ug medalya.

Ang kalihukan karong adlawa gipaluyohan ni BIR regional director Jose Tan, BIR assistant regional director Conrado Lee, kinsa mao sab ang sports committee overall chairman, Civil Service Commission regional director Judith Chicano, kinsa mao sab ang press relations officer sa ARENA-7 ug Department of Interior and Local Government regional director Pedro Noval nga maoy presidente sa ARENA-7. – BANAT NEWS