Laude daog sa Dumaguete

CEBU, Philippines - Miposte og dobleng kadaugan si Roy Laude sa bag-o lang natapos nga Dumaguete Fiesta Open Darts Tournament didto sa YMCA sa Dumaguete City.

Si Laude, usa sa mga maayong laki nga darter dinhi sa Sugbu, walay suwerte sa mga local scene, ning higayona iyang giluwas ang adlaw sa mga Sugbuanon kinsa nangahas sa pakigbangga didto sa Dumaguete.

Ang Sugbuanong si Laude   mitimbre og 3-2 sa final aron paglangkat sa singles title batok ni Lio Palonas sa Dapitan ug Meloy Pechera sa Bacolod City.

Si Laude midaog sab sa double title uban ni Palon.

Sila si Laude ug Palon yano kaayong mipilde nilang Amorsolo Magan ug Etong Manalo sa Dumaguete, samtang sila si Pechara ug Ging-ging Ferrer nalandig sa ikatulo. – BANAT NEWS