CEBU, Philippines - Ang Parents-Teacher Community Association (PTCA) sa Cebu City National High School (CCNHS) mopasiugda'g usa ka fund run nga giulohan og "Sci-Hi Run to Build" karong Disyembre 11 diha sa SM-City Cebu parking area luyo sa Radisson Blu Hotel.
Si Atty. Cristine Lizates, presidente sa PTCA miingon nga tumong sa maong lumba mao ang pagtigom og pundong salapi nga ilang gamiton alang sa pagtukod sa CCNSHS student activity area.
Gilauman moabot ngadto sa 2,000 runners ang managan sa maong lumba nga gibahin sa tulo -- 15K, 5K ug 3K categories.
Gawas sa mga beteranong runners ug fun runners nga seguradong managan usab ang dul-an
sa 650 ka scholars sa CCNSHS.
Usa sa administrative officer sa tunghaan nga si Verse Cabatingan, mipahibalo nga kapin sa P50,000 ang giandam nga ganting salapi alang sa
mga mananaog. Gawas sa mga ganting salapi, may mga medalya sab ang ihatag ngadto sa top three finishers sa matag dibisyon.
Ang registration fee nagkantidad og P250 ug mahimong magparehistro didto sa Runnr sa Ayala Center-Cebu ug sa Cebu City Sport Complex. (BANATSPORTS)