JJ-Ann mipilde sa YMTEC sa S2BAA

CEBU, Philippines - Gipukan sa JJ-Ann quintet ubos sa pagtimon ni kanhi-CIT Wildcat Jumel Lanutan ang ilang kaparang nga YMTEC team ni Dodong Elizalde, 79-69 sa Sambag 2 Basketball Athletic Association (S2BAA) 2010 Christmas basketball tournament sa barangay Sambag 2 covered court.

Kanunay naglabaw ang JJ-Ann gikan sa pagsugod ug didto na sila milabaw og double-digit sa katapusang kuwarter.

Si Lanutan maoy nangu sa JJ-Ann sa iyang 20 puntos, gi-abagan sab siya nilang Dennis Borinaga ug Voltaire Rosal nga nagkumboya og 27 puntos. Sila si Arnold Basu ug Eti Vargas parehong miamot og 10 puntos. 

Ang kanhi USJ-R Jaguar nga si Jerry Billota maoy nangu sa YMTEC pinaagi sa iyang 15 puntos, gisundan ni Elizalde nga adunay 13 puntos, samtang sila si Bebot Ancot ug Jun Verano mitampo og 10 puntos matag usa.

Sa laing duwa,   ang Masong Bros. mikulit sab og daog human nila gipilde ang Lola Tikya, 65-52, samtang ang Ceres Liner midumog sa Aying Sportswear sa iskor nga 72-53. (BANATSPORTS)