Tabal, Bartolo nanghawod sa 1st Frankie Radaza Run
CEBU, Philippines - Gidominar ni Mary Joy Tabal ang 1st Frankie Radaza Memorial Fun Run kagahapon didto sa Lapu-Lapu City grounds.
Ang garbo sa Southwestern University (SWU) nga anaa karon sa katapusang hugna sa iyang preparasyon alang sa National Milo Marathon finals karong Disyembre 12 didto sa kaulohan, mipahimos sa kahigayonan gumikan kay wala ang iyang higpit nga karibal nga si Mary Grace Delos Santos aron makuha ang korona sa 12K women’s class.
Gitapos ni Tabal ang lumba sud sa 49 minutos ug 15.960 segundos, gisundan sa mga beterana nga sila si Christy Tutor (52:25.790) ug Merlyn Alin (59:26.400) alang sa ikaduha ug ikatulong dapit.
Sa men’s division, napuhalan ni Elmer Bartolo sa Davao ang pambato sa Sugbu nga si Adonis Singson.
Si Bartolo mi-oras og 41:19.870, samtang si Adonis mi-okupar sa ikaduhang dapit sa iyang 41:42.960 ug ang mikapyot sa ikatulo mao si Leo Colonia sa oras nga 41:55.190.
Ang hari sa Ultra Marathon nga si Mendel Lopez miangkon sa ikatulong dapit sa 5K run sa oras nga 17:18.084, gisundan nilang Riez Enriquez (16:45.865) ui Robert Daang (16:53.224).
Sila si Jhean Adrin (21:34.110), Alyssa Lagahit (22:04.182) ug Gerly Rose Baylon (22:42.918) maoy top-three finishers sa 5K women’s open.
Sa 3K division, sila si Ando Mejares (7:27.11) ug Lovely Andrin (11:29.570) maoy nanghawod sa tagsa-tagsa nila ka dibisyon. (BANATSPORTS)
- Latest
- Trending
