Kickboxing sa Consolacion

CEBU, Philippines - Puno sa aksiyon ang masaksihan sa mga molupyo sa Consolacion ug mga silingang lungsod sa 2010 Full-Combat Kickboxing Showdown karong ala-1 sa hapon diha sa Consolacion terminal.

Mga kickboxers gikan sa nagkalain-laing dapit sa rehiyon 7 ang mopakita sa ilang abilidad sa maong kickboxing showdown nga nagdala sa tema: "To Eliminate Drug Addiction in Different Community and Fund Raising Campaign for Consolacion Sports and Boxing Martial Arts Association."

Katorse ka paresan apil na niini ang upat ka mga boksidor ang magpinaksitay ning tunga sa adlaw nga kalihukan nga gisuportahan ni Consolacion Mayor Teresa Pepito Alegado ug Consolacion terminal manager Dodong Leciones.

Gipaluyohan sab kini sa Lasting Marketing, Brilliant Metal Craft, Coca-Cola Bottlers Inc., Nature's Spring ug Chooks To Go.

Si Dann Diaz maoy modumala sa kompetisyon. (BANATSPORTS)