Revilla Cup 7-cock Invitational derby kasado na
MANILA, Philippines - Inaasahang lalahukan ng mga nangungunang Pinoy cock breeders ang gaganaping Revilla Cup seven-cock invitational derby sa Disyembre 7, 9, at 11 sa Cavite Coliseum at Derby Center sa Bacoor. Cavite.
Ang pinakaaabangang Revilla Cup, na nasa ika-20 taon na, ay may guaranteed prize na P3,000,000. Ang pot money ay nasa P55,000 at P22,000 naman ang minimum bet. Tatanggap ang handler ng winning entry ng P100,000 samantalang P50,000 naman sa gaffer nito. Ang kinakailangang timbang ay mula 1.8 hanggang 2.5 Kgs.
Itinakda ng pagsumite ng timbang sa Disyembre 6, 8, at 10 mula 8 am hanggang 10 pm. Ang derby ay magsisimula ng 6 pm. Si Senador Ramon Bong Revilla Jr. ang magsisilbing host nito at aasistehan naman nina Chairman Ramon Revilla, Atty. Rudy Salud, Gerry Ramos, Makati Vice Mayor Nestor Mercado at Imus Mayor Homer Saquilayan.
- Latest
- Trending
