CEBU, Philippines - Mas daku ug mas bongga nga lumba ang masaksihan sa ikatulo ug katapusang edisyon sa Eagle Run series sa Sacred Heart School-Boys karong Disyembre 19 diha sa north reclamation area sa Mandaue City.
Giulohan og "Eagle Run- Final Night Race," ang maong lumba naglatid og tulo ka kategoriya -- 10K, 5K ug 3K.
Human sa malampuson nilang second leg niadtong Oktubre 16, diin kapin sa 1,200 ka mga runners ang nanagan, mas giatngan sa mga organizers nga modaghan pa ang managan, apan aduna sila'y limitasyon alang sa kaluwasan sa mga entrante.
Ang unang 100 ka finishers sa 10K race makadawat og customized medal gikan sa Suarez & Sons.
Nagbaha usab ang freebies ug give-aways usa na niini ang limited edition furniture, ang i-raffle human sa lumba.
Ang registration fee nagkantidad og P300 lakip na niini ang singlet, snacks ug hydration. Mahimong magparehistro sa Nike Athletic Club sa Banilad Town Center, CDU Hospital ug Center for Sight Foundation sa CDU Hospital. – BANAT NEWS