Meralco Bolts kinuryente ang Tigers
MANILA, Philippines – Kagaya ng dapat asahan, muling iginiya ni Mac Cardona ang mga Bolts sa panalo.
Isinalpak ni Cardona ang isang krusyal na jumper sa natitirang 30.5 segundo upang tulungan ang Meralco sa 88-85 pagtakas sa Powerade sa elimination round ng 2010-2011 PBA Philippine Cup kagabi sa Araneta Coliseum.
Kumolekta si Cardona ng game-high 24 points para sa Bolts kasunod ang 21 ni Espinas at 10 ni rookie Hans Thiele.
May 5-5 baraha ngayon ang Meralco katabla ang nagdedepensang Derby Ace (5-5) at Alaska (5-5) sa ilalim ng San Miguel (9-2), Barangay Ginebra (7-3) at Talk ‘N Text (6-3) kasunod ang Rain or Shine (4-5), Meralco (4-5), Air21 (4-6), Powerade (3-8) at Barako Bull (2-8).
Ang ikalawang sunod na tagumpay ang nagpalakas sa tsansa ng Bolts ni Ryan Gregorio na makapasok sa quarterfinal round.
Nalasap naman ng Tigers ni Bo Perasol ang kanilang pangatlong sunod na kamalasan.
Huling nakatabla ang Powerade sa 84-84 mula sa basket ni Gary David sa huling 44.9 segundo galing sa 84-79 lamang ng Meralco sa 1:39 ng laro.
Pinangunahan nina David at Mark Macapagal ang Tigers sa kanilang tig-18 markers.
Meralco 88 - Cardona 24, Espinas 21, Thiele 10, Aquino 9, Omolon 8, Ross 6, Gamalinda 4, Menor 2, Belga 2, Pacana 2, Weinstein 0.
Powerade 85 - Macapagal 18, David 18, Laure 10, Espino 9, Ritualo 9, Antonio 8, Reyes 4, Calimag 4, Gonzales 3, Rizada 2, Anthony 0, Enrile 0, Mendoza 0.
Quarterscores: 25-19, 42-37, 72-65, 88-85.
- Latest
- Trending
