Pacquiao tutulong sa RP pugs para sa 2012 Olympics

MANILA, Philippines - Inangkin na niya ang isang Congressionel seat sa Sarangani at ang rekord na pangwalong boxing title sa walong magkakaibang weight divisions.

Ngunit may gusto pang makuha si Filipino bo­­xing superstar Manny Pacquiao.

“Ang plano ko ngayon ay tutulong ako for the Olym­pic Games in 2012,” sambit kahapon ng 31-an­yos na si Pacquiao sa pa­nayam sa Umagang Kay Ganda sa ABS-CBN.

Balak ni Pacquiao na kunin ang serbisyo ni strength and conditio­ning coach Alex Ariza para sa pagsasanay ng mga Fi­lipino pugs ng Amateur Bo­xing Association of the Philippines (ABAP).

“Sisikapin ko na ma­ipagamit ko sa kanila (ABAP) si Alex Ariza para maturuan ‘yung mga national boxers natin,” wika ni Pacquiao. “Puwedeng kunin ng Philippine Sports Commission si Alex Ariza para magkondisyon sa la­hat ng mga atleta.”

Sa kasaysayan ng pag­lahok ng bansa sa Olympic Games, ta­nging ang silver medal nina featherweight Anthony Villanueva at light flyweight Mansueto “Onyok” Velasco, Jr. ang pi­nakamataas na karangalan na nakuha ng isang Filipino athlete.

Ayon kay Pacquiao, sisiguraduhin niyang ma­gi­ging bahagi siya ng natu­rang krusada para sa kauna-unahang Olympic gold medal ng bansa.