Lopez lusot sa qualifying time alang sa Milo National finals

CEBU, Philippines - Balik sa National Finals ang beteranong si Mendel Lopez human milampos pagkuha sa qualifying time sa Butuan leg sa 34th National Milo Marathon didto sa Butuan City.

Uban sa iyang kapikas ug triathlete nga si Lorhiz Echavez, si Lopez nga wala na makaapil og dagan pipila na ka buwan, mobalik didto sa kaulohan aron mokumbati sa National finals.

Si Lopez mirehistro og   1:14.52, gisundan ni Elmer Sabal, manghod sa kanhi National Champion ug RP team member Cris Sabal nga mi-oras og 12 minutos ug 50 segundos.

Si Lopez usa sa mga Sugbuanon nga mosulong didto sa Manila karong Disyembre 12 uban ang paglaum nga moangkon sa titulo sa usa sa mga labing dakung running event sa nasud.

Uban ni Lopez mao si Cebu leg champion Mary Joy Tabal sa Southwestern University (SWU) ug Adonis Singson ug Tagbilaran leg top placer Joeyry Lee sa University of Southern Philippines Foundation (USPF).  (BANATSPORTS)