Nakadani atensiyon sa mga langyaw

CEBU, Philippines - Migimaw na ang putot sa bunga sa paningkamot sa ALA Promotions nga himuon ang Cebu nga usa sa mga boxing mecca sa kalibotan.

Human sa malampuson Pinoy Pride 1, ang ALA Promotions gibahaan karon og mga tawag gikan sa mga foreign media ug sa mga langyaw'ng boxing fans nga buot magpakisayod kabahin sa "Pinoy Pride 2" nga pangulohan ni ALA Boy Milan Melindo batok ni former world champion Carlos Tamara sa Colombia karong Sabado diha sa Waterfront Cebu City Hotel and Casino.

"We have received international inquiries regarding tickets and hotel booking assistance from countries like Colombia and the United States. We also have foreign media inquiring about the said fight and requesting for updates from time to time," matud pa ni ALA Promotions vice president Dennis Cañete.

Dugang pa ni Cañete nga gilauman na nilang daan nga modakop og dakung atensiyon ang Melindo-Tamara bout ngadto sa mga langyaw tungod kay ang

duha ka protagonista giilang mga world title contenders.

Usa usab sa magsugnod sa kainit sa duha ka boksidor mao ang tagsa-tagsa nila ka mga tumong.

Si Tamara laraw nga modaog aron maangkon og balik ang nahanaw niyang world title, samtang si Melindo maningkamot nga modaog aron mabantog iyang ngalan sa kalibotan sa boksing. (BANATSPORTS)