RP Smart Gilas kontra Taiwan

GUANGZHOU - Ba­ga­mat inaasahan nang gigibain nila ang India, posible namang makasagupa ng Smart Gilas Pilipinas ang Chinese-Taipei sa isang ‘must-win’ situation sa preliminary round ng 16th Asian Games basketball competitions.

Nakatakda ang laro nga­yong alas-9:30 ng gabi.

“The Chinese Taipei game can be crucial,” ani Smart Gilas coach Rajko Toroman.

 “It won’t be if Qatar loses to Japan and Iran. If Qatar splits, then we have to beat Chinese Taipei to be at No. 3,” dagdag pa nito.

May 1-2 rekord ang Smart Gilas at Chinese-Taipei sa Group F sa ilalim ng Japan (3-0), Iran (2-1) at Qatar (2-1).

Naglalaro pa ang Chinese-Taipei (1-2) at Iran ha­bang isinusulat ito.