UC Manila bound

CEBU, Philippines - Laing tuig, lain na sab nga higayon ang gihatag sa atong team gikan sa Cebu Schools Athletic Foundation, Inc. (CESAFI) ang mosuway og bingwit og dakong mamsa o tangigue didto sa Manila atol sa ilang kampanya sa labing maidlas nga korona sa Philippine Collegiate Champions League (PCCL), ang torneyo diin mag-abot ang mga tang-an nga teams sa tibuok Pilipinas.

Karong hinapos sa Nobiyembre, makigsangka dayon ang University of Cebu (UC) Webmasters batok sa UAAP champion Ateneo de Manila University (ADMU) Blue Eagles sa ilang debut didto sa PCCL Final Four. Adto kini ipahigayon sa San Juan Arena. Usa kini ka dakong hagit alang sa Cebu Schools Athletic Foundation, Inc. (CESAFI) champion kinsa mobandera sa ilang umaabot milyonaryo nga si Junemar Fajardo, ang 6-9 nga sentro kinsang pangalan nabaniog na’g maayo didto sa Manila ug daghan na ang nag-atang kaniya.

Maoy migawas nga hari dinhi sa Sugbo ang Webmasters diin gikoronahan sab sila isip Southern Islands Champion.Dinhi sab mismo sa Cebu Coliseum nagtinagakay ang FEU Tamaraws ug JRU Heavy Bombers diin midaog ang Tamaraws sa usa ka low-scoring game, 64-60. Akong nahinabi ang ilang team consultant nga si Berting Flores, lumad nga taga Consolacion ug matod pa niya nga ang UAAP men’s basketball Rookie of the Year nga si Terrence Romeo usa diay ka Sugboanon ug gawas pa niana, si Aldrech Ramos kinsa wala makaduwa batok sa JRU, lumad nga taga Balamban ug ang MVP nga si Ryan Roose Garcia lumad nga taga Zamboanga City.

Gilampurnas sa Webmasters ang University of San Carlos (USC) Warriors, 83-67 atol sa ilang knockout match kaniadtong Biyernes, Nobiyembre 19 diha sa Cebu Coliseum aron moabante sa PCCL Final Four.

Unang gitagak sa Webmasters ang University of Iloilo, 96-66 samtang ang Warriors mi-abante human ilang ghipakuratan ang nine-time CESAFI champion University of the Visayas (UV) Green Lancers, 71-64 sa laing knockout match.

Unsay atong mapaabot sa UC? Usa lang nila ka daog sa Final Four, segurado na sila ang second placer ug kung may swerte, taga Cebu ang mahimong kampiyon sa PCCL sa labing unang higayon.

Ang Webmasters sab maoy labing unang team gawas sa Metro Manila nga mi-abante sa Final Four human kini mahimo sa UV Lancers kaniadtong 2007.

Miscellaneous. Congrats to Barlito Rogado, father of ex-UC star Moncrief Rogado for winning as Mantuyong barangay councilor in the last October barangay polls. Also belated birthday greetings to her mother Marilyn Rogado last November 13 and to her aunt Gloria Escanilla last November 17. My sympathy to the bereaved Garciano Family of Libertad, Poro, Camotes, Cebu for the death of Emerito Garciano Sr. last November 10. His son Elvisito “Vic-vic” Garciano now based in Palo, Leyte, told me that the remains of his father was interred last Saturday, November 20. Condolence Tol. Vic-vic was my former classmate at the Camotes Visayan Institute (CVI), the proud producer of many professionals from the islands. Attention CVI Batch 1979 for a planned class reunion in summer 2011.