CEBU, Philippines - Daku'g posibilidad nga mag-unay sa finals ang duha ka koponan sa Ave Maria Sanctuary Park sa nagpadayong duwa sa Lapu-Lapu City Fiesta Open basketball tournament didto sa Lapu-Lapu City covered court.
Ang Ave Maria Team-B naghuwat na lang karon kun kinsa ang ilang makontra sa finals, samtang ang Ave Maria Team-A mi-abante sa semifinals human ilang gipukan ang Malapascua, 82-79.
Suwayan sa Ave Maria Team-A pagsakmit ang luna sa finals dihang ilang sangkaon ang Southwestern University (SWU) Cobras karong Miyerkules.
Si Ave Maria team owner Raffy Senining malaumon nga mohakot na sab og laing korona ang iyang koponan human kini modaog sa kampiyonato sa Aloguinsan Mayor’s Cup sa miaging buwan ug sa Carcar Mayor’s Cup sa miaging semana. (BANATSPORTS)