CEBU, Philippines - Milampos ang Team USA pagkulit sa ikatulo nilang sunod-sunod nga daog dihang ilang gipilde ang Serbia, 71-61 sa elimination round sa 2010 Cebu United Bankers Association (CUBA) Christmas Basketball League diha sa Our Lady of Sacred Heart Parish gym sa Escario street, ning siyudad.
Hapsay kaayo ang dagan sa opensa sa USA dihang miposte sila og 16 puntos nga labaw sa first period, 30-14, apan migukod ang Serbia ug nakan-an ang labaw ngadto na lang sa uno punto, 32-33 sa halftime.
Dali hinuon nga nakarekober ang USA sa third period aron inaton og balik ang labaw, 54-48 dayon na pagkulit og daog.
Sa sayo pa, usa ka halapad nga fourth quarter rally ang gilusad sa Turkey aron pukanon ang Lithuania sa iskor nga 84-77.
Nagukod ang Turkey sa unang-tulo ka kuwarter, apan mipahungaw kini sa ilang kainit sa final period aron makuha ang daog.
Puntos Matag Usa
Unang duwa:
Turkey (84) - Minoza 21, Osorio 14, Allera 13, Bjorn 11, Gabales 7, Liston 5, Villarin 5, Ivan 4, Olalo 2, Minoza 2
Serbia (77) - Markuzz 19, Tapaya 15, So 13, Adoptante 7, Bartolaba 7, Lim 6, Roces 6,Jimmy 2, Enteng 2
Ikaduhang duwa:
USA (71) - Rosal 16, Baco 14, Yap 10, Ancajas 10, Daclan 7, Bacalla 6, Bernas 4, Malahay 2, Bacalla 2
Serbia (61) - Aparri 14, Chua 10, Navarro 10, Villanueva 8, Solon 7, Cataros 6, Saliz 3, Ruiz 2, Tecson 1. – BANAT NEWS