White, Green nidaog na gyud sa LABA
CEBU, Philippines - Mikulit sa labing una nilang daog sulod sa upat ka duwa ang Joules-White team pinaagi sa pagpangulo nilang Junjun Perolino, Edgar Yncierto ug Cesar Lagaras batok sa Bombers-Yellow team, 105-99 sa nagpadayong Los Amigos Basketball Association (LABA) diha sa Banilad Sports Center sa dakbayan sa Mandaue.
Mikulit sab sa una nilang daog ang Zich-Green team batok sa Magic-Blue team, 100-92.
Ang White nabiyaa’g 20 puntos sa unang-duha ka kuwarter, apan namuntos pag-ayo ang ilang mga pambato diin unom kanila ang mihakot og double figures aron makatilaw og daog.
Sa laing bahin, ang Yellow buot sab unta nga mokulit og laing daog, apan nahanaw ang ilang dakung labaw tungod kay nahimong mismatch ang ilang third quarter unit ubos sa barangayan format.
Tulo ka players nga sila si Gilbert Sebandal, Junjun Mauro ug Cris Ubas ang parehong mi-iskor og 17 puntos alang sa Yellow nahimutang gihapon sa ikaduhang dapit uban ang 2-2 nga baraha.
Si Richard Madrid maoy nangu sa Green sa iyang 28 puntos ug si Loloy Son mao sab ang nangu sa Blue pinaagi sa iyang 27 puntos.
Ang Green ug Blue adunay managsamang 1-2 win-loss records.
Puntos Matag Usa
Unang duwa:
White (105) - J. Perolino 22, Yncierto 19, Lagaras 17, Perolino 15, Rizane 15, Ranile 15, Lee 4, Campos 2
Yellow (99) - Sebandal, Mauro 17, Ubas 17, Sabal 10, Jordan 9, Cosido 5, Georsua 4, Branzuela 4, Ting 4, Cortes 2
Ikaduhang duwa:
Green (100) - Madrid 28, Bacatan 14, Jacalan 8, Orcullo 8, Maratas 7, Celiz 7, Espinosa 6, Colis 6, Quiñahan 4, Cane 4, Conde 4, Pestaño 2, Policios 2
Blue (92) - Son 27, Llanos 13, Mengane 13, Labiste 10, Seno 10, Chavez 8, Bellagantol 7, Garso 4. – BANAT NEWS
- Latest
- Trending
