Wanted 'pacers'

CEBU, Philippines - Tungod kay mas daku nga marathon ang mahitabo itandi sa miaging tuig, ang mga organizers sa 2011 Cebu City Marathon nanawagan karon sa mga runners, kinsa interesadong mamahimong "pacers" sa 42K full-marathon.

Si Cebu Executive Runners Club (CERC) president Jessie Taborada nagkanayon nga tungod sa daghan nga managan sa full-marathon, nanginahanglan sila og igong "pacers" nga maoy modagan uban sa mga runners aron makuha ang saktong oras.

Ang "pacers" magsilbe sab nga sweepers o mga runners nga mohatag og suporta sa mga partisipante aron molampos kini paghuman sa lumba.

Ang Team Reborn ni coach Noy Jopson ug Lhoriz Echavez nga nailhan na nga mga Pacers sa mga miaging lumba dinhi sa Sugbu dili usab makahimo pag-"pace" sa Cebu City Marathon tungod kay dili pa sila andam alang sa full-marathon run.

Andam sab ang CERC nga mohatag og   cash incentives alang sa mga runners nga   mamahimong "pacers. Libre usab ang registration fee nga naglakip og usa ka souvenir t-shirt,   balance shoes discount ug timing chips alang sa mga pacers.

Ang mga aplikante kinahanglan nga nakahuman na og duha ka marathon. Sa mga interesadong runners mamahimong mo-email sa [email protected]. – BANAT NEWS