8 boxers sa Mandaue sud sa Finals

CEBU, Philippines - Walo ka boksidor sa Team Mandaue ang miabante sa finals sa 2010 PLDT-ABAP Visayas Amateur Boxing Championship sa miaging gabii didto sa Mandaue City Plaza Square.

Ang Bago City adunay unom ka finalists, samtang ang defending champion Team Cebu City (TCC)   aduna lamang lima ka boksidor nga nakasud sa finals.

Ang mga pambato sa Mandaue alang sa youth division nga sila si Dannlou Codilla, Reoxyl Tabogon, Michael Lorenz Romarate ug Melvin Besinga segurado nang makakuha og silver medals, samtang sila si Kevin Jake Cataraja, Albert Pagara, Mark Bernaldez ug Charlie Traya ang miabante sab sa finals sa junior division.

Tulo   ka mga boksidor gikan sa Bacolod ang nasud sab sa finals, samtang ang Tagbilaran, Cabancalan ug Ormoc adunay tag-usa ka boksidor. (BANATSPORTS)