Kapin sa 100 langyaw'ng eskrimadors moanhi sa Sugbu

CEBU, Philippines - Ang turismo sa dakbayan sa Sugbu maoy direct beneficiary sa dihang kapin sa 100 ka langyaw'ng eskrimadors ang mobisita sa siyudad karong Nobiyembre 13 atol sa 2nd Doce Pares Hall of Fame awarding and promotions diha sa CAP Bldg. sa Osmeña Blvd., ning siyudad.

Ang Hall of Fame awarding kabahin sa tulo ka adlaw nga Cacoy Doce Pares World Federation Mixed Martial Arts seminar diha sa E-Mall Activity Center.

Giulohan kinig "The Gathering 2010" tungod kay ang mga masters ug grandmasters mag-abot man dinhi sa Sugbu alang sa maong kalihukan.

Si Doce Pares legend Supreme Grand Master Ciriaco 'Cacoy' Cañete, ang 14-time Hall of Famer mao mismo ang modumala sa instructional classes alang sa eskrima. Si US-based Grandmaster Richard Bustillo, usa sa mga disipolo ni Bruce Lee, mao ang mo-superbisyo sa jeet kune du classes, samtang ang Australian Grandmaster nga si Vince Palumbo mopaambit sa iyang kasinatian sa streetfighting ug grappling. (BANATSPORTS)